اضغاث احلام ..

ومنام بيتحقق كتير منه  فيقولوا جواك صافى  
ومنام يتكرر مع انه مش واضح ومش كافى 
ومنام تصحى منه بعلامة اذى وربك الشافى
ورؤية حلوة تحضن قلبك البردان فيصبح دافى  
رزقك حلو   ياانسان , وعلتك  اطمن  ربك معافى 
..........................................................

احلام منامها كتير منها بيتحقق واحلام بعينها بتكرر ملهاش تفسير جواها
وكوابيس اكتر بكتير تخليها تخاف تنام ولو حصل وصحيت تخاف تانى تكمل نوم 
فتقول راح عليه الليل واتعكر مزاجى اليوم 
وعن احلامها اللى بتتحقق وقالو اصل قلبك نقى وبرىء على فكرة مش دايما 
انسانة هيه والبشر خطاء 
قالو طاقة يمكن جواكى بيها بعض الجاذبية وده علم قالت يمكن وربنا علمه
له اسرار 
مستنية الرؤية الحلوة وعلة القلب تدوب  ده دواها رحمة الغفار 

...................................................................
ياريت احلامها تتغطى  .. ياريت الروح بتتوضى
                 
                       قبل كل منام

      جايز تفرق ومتطلعشى  اضغاث احلام