السبت، 13 يوليو 2013

سنة اولى تدوين .....

مش عارفة ازاى ارتبطت بمشروع التدوين وحبيته اوى كده وجوايا التزام نفسى انى لازم كل يوم ادون لو حتى جملة حاساها كده فكرة مميزة ان شىء بيجسد تاريخ لعام كامل بكل احداثه ومشاعره وانفعالاته والجميل انك بتدون بحرية وتخرج شىء من اللى جواك عشان كده ندمت جدا جدا انى مكانشى ليه نصيب من التدوين امبارح برغم انى حقيقيى كنت بغاية الارهاق والتعب وبالرغم من احساسى بالندم الا انى مبسوطة لانى حبيت التدوين بالشكل ده والمدونة والناس اللى بتدون المشروع بقى بالنسبة لى حياة :) ودى المرة الاولى فى حياتى اللى يكون عندى فيها مدونة خاصة بيه الموضوع يختلف كتير عن ان يكون لى صفحة على الفيسبوك بكتب فيها منشورات يومية هنا الاحساس مختلف جدا جدا وحابة اتعلم من الموجودين اللى سبقونى للتدوين وحابة كمان انى اتابع احاسيس متنوع لانماط مختلفه من البشر لانى بعشق الابحار فى ذات الاخر وبستمتع جدا بالغوص فى اعماقه ..
واللى فرحنى اكتر موضوع الروحانيات الاسبوع ده حاسة انى هعيش اسبوع تدوينى منطلق :) لان الروحانيات جزء لا يتجزأ منى ومن كيانى  بالاضافة الى شهر رمضان الكريم حاجات كتير جوايا للتدوين مشاعر مش عارفة اوصفها بالكلام لكن جايز الايام الجاية ان شاء الله تخرج اكتر واكتر واكتر ..

هناك 3 تعليقات:

  1. التدوين بيطهر الروح من حاجات كتير بنقابلها في يومنا
    لما بنيجي ونفضفض مع نفسنا بنخف من اللي جوانا كتييير

    في إنتظار تدوينك عن الروحانيات الأسبوع ده :)

    ردحذف
  2. اكيييد .. ومتابعتك شرف ليه نورتى :) وتسلمى يارب

    ردحذف
  3. الأبحار فى ذات الأخر ,,
    ممممم أحمل نفس هذا الشغف تقريبا
    وأعرف لذته
    مثيره

    ردحذف

منذ سنة ...

أحيانا يخيل لى أن الموت هو السلام الوحيد فى هذا العالم .. أنا نفس بائسة كلما تخطو الى الامل تهوى ويسقط معها كل ماآمنت به من قيم أنا أضعف ...