رمضا ن بكل مافيه من خير وروحانيات وكرم كبير اوى من ربنا بنكتشف فيه حاجات كتيرة كانت غايبة عنا ولو نويت فيه التغيير لازم فعلا بيتغير شىء جواك او اكتر من حاجة اهم حاجة بتفرق معايا جدا لما بقدر فيه اعمل مقياس للخير والشر جوايا عن طريق ان الشياطين فيه ملهاش تاثير مقيدة بامر الرحمن فبقدر اعرف اد ايه نفسى الامارة بالسوء بتشدنى و درجه السوء اللى بتأذينى بيها طول السنة بقدر افرق من وسوستها ووسوسة الشيطان بعرف ايه الحاجات اللى دايما طول السنة بتجذبنى ليها وبتفضل معايا حتى فى رمضان وفى نفس الوقت بتغيب عنى نوع من الافكار السيئة اللى بتراودنى طول السنة زييى زى اى انسان عن طريق وسوسة الخناس ده طبعا بيساعدنى كتير ويخلينى اقوى واعرف نقاط الضعف فين بالظبط اكتر وده طبعا مهم جدا للتغيير ولترتيب حساباتى ومنهجة حياتى الى جانب انى فى رمضان اقوى لان القوى اللى بتعوق المسيرة الايمانية والمنهجية بتقل بغياب الكائن الشيطانى الا ان بكتشف ان نفسى الامارة بالسوء وحدها ممكن تهزمنى لو مانتبهتش ليها كويس وعرفت افكارها ومبادئها واسلوبها بكتشف ان الشيطان اضعف مايكون واللى بيقويه النفس عشان كده بحاول دايما اخرج من الشهر الكريم بطاقة ايجابية وروحية تساعدنى فى مواجهة اعدائى اللى واحد منهم جزء من كيانى للاسف بس بقى اللى بيقوينى كتير ويخلينى انسى كل ده وميفرقش معايا , مجرد لجوئى لله سبحانه وتعالى وقتها بعرف ان قوته وحدها كافية للتخلص من كل سلب جوايا وحواليا فقط الله ..
ونعم الاله ...
ليست هناك تعليقات:
إرسال تعليق