دى الحقيقة ..

بتدافع و بتطالب  بـــ حرية المرأة مممم  طيب ممكن تحررها منك انت !

 تحررها من نظراتك اللى بتنهش فيها طول الوقت  تحررها من دفاعك عن تكشفها لا عن حقوقها ..

ممكن تحررها من انك تستغل شكلها فى اعلان وتروج بيها منتجك ..

 ممكن كمان تحررها من افكارك المريضة واسقاط المنهار جواك من اخلاق عليها 

ممكن لما ترتبط بيها متاخدشى مالها غصب وكأنه حقك ممكن لما تخونها متقولش انا راجل عادى ايه المشكلة ..

 ممكن متعملش وصى عليها وتقول اصل حجابها مقيدها كانت اشتكتلك ؟ ! 

ممكن متعممش اى قضية تخصها وكأنها قضية تعانى منها كل امرأة وانت بقى المنقذ ! 

ممكن تسيب المرأة نفسها اللى تكتشف ايه اللى مقيدها وتواجهه وتتحرر منه هيه بنفسها ..

 ممكن متستخفش بعقلها ممكن متسخرش من قوتها على انها تدافع عن نفسها وتطالب باللى هيه عايزاه فعلا ومحتاجاه ..

ممكن تخليك فى حالك ...

احنا فى مجتمعات اللى بيقيد فيها حرية المرأة لادين ولا عادات ولا تقاليد انما نفوس اتبعت الهوى

نفوس اخذت من الدين ماتشاء وتركت ماتشاء

نفوس حرفت العادات والتقاليد والقيم وانتجت اخرى عقيمة وتلصقها احيانا بالدين حتى تكتمل الحبكة للاقناع

الحقيقة التى لم تدرك الى الاّن  ليس هناك رجل يريد حرية للمرأة الا الحرية التى تروق له ..