فضفضة ..

احساس غربة جوايا متملكنى مخلينى احس ان كل الحسابات دايما تطلع معايا غلط 
احساس قوى انى كان نفسى يبقى ليه اخ بجد اخ من دمى يكون اكبر او حتى اصغر شوية
اخ ارمى عليه حمولى ويحمل همى حتى من غير مااتكلم اخ يحاول يعمل اى حاجة تفرحنى
اخ الجأله لما احس بأى وجع  جوايا واحتمى بيه  وفيه اخ ياخد بايدى للصح ويفهمنى
لما احتاج اروح مكان اخلص ورقة او اى حاجة من الروتين الاقيه معايا 
لما احتاج اروح مكان بعيد او اسافر او حتى اروح فرح اعز صحباتى اللى اوقات بيبقى 
فى مكان مينفعش اروحله لوحدى 
ولانى الكبيرة واخواتى البنات اصغر ربنا يخليهم طبعا مفيش فى حنيتهم
 لكن دايما هما اللى محتاجين احتوائى اكتر ليهم 
من زمان نسيت احتياجى ده وكملت وعشت كأن   جوايا الاتنين ولد وبنت عادى يعنى 
انا مش محتاجة حد لكن حنيت للاحساس تانى وعرفت ان عمرى ماهقدر اكون الاتنين
مش هقدر اكون غير اللى اتخلقت عشان اكونه ...