اوقات بحب الورقة لما تجف اكتر معرفش
ليه بفضل اتأملها وابقى عاوزة اكون حنينة عليها واحضنها بحس انها بتبقى فى اضعف حالاتها وبسهولة تتكسر
بفتكر انى اخدت منها جمالها واستمتعت بيها لما كانت خضرة لسه وبعد شوية من التامل
افتكرت امى كانت زمان زى الورقة الخضرة دى وهى بشبابها وصحتها وانا اخدت منها ومن
صحتها وحيويتها علشان تخلينى انا ورقة
نضرة يارب احفظهالى واجعلنى ارد جزء من الجميل ..
الورقة محتاجة دلوقتى نحضنها اكتر
ماهى ياما حضنتنا زمان ..
وشوية تانين افتكرت الفطرة اللى
بنولد عليها وبيبقى قلبنا طيب وجميل وبنروح لكل حاجة حلوة وبنرفض السىء بنرفع
القيم ونعز الاخلاق ونمشى ورا النور منملش لكن لما الفطرة دى وحدة وحدة بتنسحب منا
بمشاكل الحياة وغياب ضمايرنا بتجف قلوبنا و وبتقسى علينا مع انها بتبقى فى اضعف
حالاتها وسهل برده تتكسر وصعب كمان ترجع تانى وبتنتهى زى الورقة بالظبط وتموت
جواها كل حاجة حلوة ..
ليست هناك تعليقات:
إرسال تعليق