بما ان الفنون جنون فانا بقالى فترة كده بطبق المقولة دى واخترعتلى فن جديد او شغف او لعبة اسمها الشخبطة ^^ من صغرى بموت فى التلوين ولعبة المكعبات الملونة وساعات كنت بفكر لو كنت بعرف ارسم يااااااااه ساعات بحس ان الرسم اكتر فن ممكن يعبر عن النفس البشرية بتعقيداتها بأوجاعها بأحساسيسها اكتر كمان من الكتابة لان ساعات بتحس ان فى لوحات بتتكلم والالوان بتعزف الحان ساعات فرح ساعات شجن وفى لوحة ممكن تتأمل فيها ساعه وتقرا منها حكاية
تعيش فيها حلم
ليه تجارب فى الرسم قصدددى الشخبطة :) يعنى شجرة سمكة قطة هههههه
زى اللى بنبهر بيهم البيبيهات الصغننة ^^
بس فن الشخبطة اللى اقصده انك تدخل برنامج الرسام وتفضل تعافر عشان ترسم قلب بالقلم ولا بالفرشاة حتى مع ان اصلا مابتعرفش ترسمه ع الورق وشايف ان جواك دافنشى صغير هيرسم الموناليزا وانت فى الحقيقة رسمك اكيد يشبه اسم لوحة جحيم دانتى
المهم بقى تعافر وتنقهر من الفشل الذريع فى تحديد الجانب الايمن للقلب المفقود
على شبابه فتنتقم من القلب واللوحة والالوان أشد انتقام وتروح بالالوان بكل قسوة وغيظ يمين شمال فوق وتحت وبعدين تهدى الثورة شوية من جواك وتبتسم ايه اللى بعمله ذنب الماوس ايه ولا عنيك تشوف الجحيم متجسد فى لوحتك البائسة تفكرك كلمة بائسة دى بحالك ومشاكلك واوجاعك وصراعك اللى مبيفارقكش فمن غير ماتحس تحرك الماوس تانى بعنف كأنك بتتخانق مع صراعك ومع ظروفك ومع اللى خذلوك تهدى الحركة شويه وتهدى معاها الالوان كأنك بتدمع وكأنها بتشاركك او بتطبطب فتتغير مرة بلون السما تهدى جواك كل انفعال تشدك لسلام واوقات تقلب روز حاجة كده ناعمه شبه الانثى ام صديقه حاجة زى الحضن زى القلب اللى فشلت فى رسمه
فى الاخر ممكن تكتشف ان الشخبطة والصراع والمشاعر دى كلها ظهرت فى الاخر لوحة حقيقية متتقدرش ولا تتفهم الا من انسان زيك امن ان الشخبطة فن بل وحياة ونفس وروح وحلم .
تعيش فيها حلم
ليه تجارب فى الرسم قصدددى الشخبطة :) يعنى شجرة سمكة قطة هههههه
زى اللى بنبهر بيهم البيبيهات الصغننة ^^
بس فن الشخبطة اللى اقصده انك تدخل برنامج الرسام وتفضل تعافر عشان ترسم قلب بالقلم ولا بالفرشاة حتى مع ان اصلا مابتعرفش ترسمه ع الورق وشايف ان جواك دافنشى صغير هيرسم الموناليزا وانت فى الحقيقة رسمك اكيد يشبه اسم لوحة جحيم دانتى
المهم بقى تعافر وتنقهر من الفشل الذريع فى تحديد الجانب الايمن للقلب المفقود
على شبابه فتنتقم من القلب واللوحة والالوان أشد انتقام وتروح بالالوان بكل قسوة وغيظ يمين شمال فوق وتحت وبعدين تهدى الثورة شوية من جواك وتبتسم ايه اللى بعمله ذنب الماوس ايه ولا عنيك تشوف الجحيم متجسد فى لوحتك البائسة تفكرك كلمة بائسة دى بحالك ومشاكلك واوجاعك وصراعك اللى مبيفارقكش فمن غير ماتحس تحرك الماوس تانى بعنف كأنك بتتخانق مع صراعك ومع ظروفك ومع اللى خذلوك تهدى الحركة شويه وتهدى معاها الالوان كأنك بتدمع وكأنها بتشاركك او بتطبطب فتتغير مرة بلون السما تهدى جواك كل انفعال تشدك لسلام واوقات تقلب روز حاجة كده ناعمه شبه الانثى ام صديقه حاجة زى الحضن زى القلب اللى فشلت فى رسمه
فى الاخر ممكن تكتشف ان الشخبطة والصراع والمشاعر دى كلها ظهرت فى الاخر لوحة حقيقية متتقدرش ولا تتفهم الا من انسان زيك امن ان الشخبطة فن بل وحياة ونفس وروح وحلم .
ليست هناك تعليقات:
إرسال تعليق