سيبو الوطن لله ..

يامحسنين
 سيبوا الوطن لله
مش للجميع 
...
ومتوجعوش
ومتفرحوش
فى انقسام ولاتراجع 
عن الحق
ولا للظلم استسلام 
ومتقولوش اشترينا
 ومش هنبيع
...
من امتى كان الدم تمن
للامل غير فى احتلال 
ومن امتى كان القتل 
فى اخواتنا حلال 
متعيبوش ع الزمن 
ومتجّرحوش فى المكان
...
ومتفتلوش 
ومتضيعوش
كل الاحلام قولوا للفرقة لاء
قولو للغريب خلص الكلام 
احسنو يوم للوطن 
وسيبو بقى لله
ربك وربى ارحم بيه
مصيره بايده هو الكريم 
قادر ينجيه
متجنوش انتم عليه 
ومتاجروش ابدا  بيه 
.....
قربنا نقول  وطن لله
قربنا نستلف الحياة
الموت عمل لينا او كازيون
الموت  بقى نسخة من الكربون
فى كل وقت وفــ كل مكان
 بقيت تلاقاه
فالاحسن سيبو الوطن لله 
ربنا بقى يتولاه 
....