عمر قريبى طفل عنده حوالى 8 سنين فجه امبارح بيسألنى انا واخواتى البنات ايه المختلف فيه فضحكت لانى مكنتش مركزة معاه وكنت بعمل حاجة واتفاجأت بعمق السؤال ^^ فردت اختى سنتك اتارى له سنة اتكسرت وبعدين اختى قالتله ايه المختلف فيه انا بقى فرد وقال لكل بنت حاجة مختلفة كنت رجعت مركزش معاهم فى الكلام بس انتبهت وهما بيقولوا طب ومشيرة فرد وقال حزينة .. اتفاجأت جدا بالرد ! انا الوحيده اللى قال عنى كده وازاى شافنى كده وهوة انا فعلا يبان عليه كده وطفل فى السن ده لو دى حقيقة ازاى لمسها بصدق برغم انه دايما بيشوفنى بضحك واهزر عادى
يمكن ملقاش حاجة تخلينى سعيدة بس مين قال ياعمر انا راضيه وقريب هكون سعيده لما قلبى يتملى رضا وروحى يطولها النور
بس انا فعلا راضية ولا بحاول ولا مش فارق معايا اصلا وهوة انا فعلا حزينة !
صدمتنى ياعمر :)) مع انى متأكدة من صدق حدسك وشفافيتك ..
ولا يمكن عمر فعلا كبر وانا مش واخدة بالى بس حتى لو ده صحيح ده مايمنعش انه برىء ولسه متلوثش بغبار الحياه ..
يمكن ملقاش حاجة تخلينى سعيدة بس مين قال ياعمر انا راضيه وقريب هكون سعيده لما قلبى يتملى رضا وروحى يطولها النور
بس انا فعلا راضية ولا بحاول ولا مش فارق معايا اصلا وهوة انا فعلا حزينة !
صدمتنى ياعمر :)) مع انى متأكدة من صدق حدسك وشفافيتك ..
ولا يمكن عمر فعلا كبر وانا مش واخدة بالى بس حتى لو ده صحيح ده مايمنعش انه برىء ولسه متلوثش بغبار الحياه ..
ليست هناك تعليقات:
إرسال تعليق